Ко  Господу,  внегда  скорбети  ми,
воззвах,  и  услыша  мя.

Ко  Богу,  внегда  скорбех,  дерзах  воззывати.
А  Он  благоволил  есть  глас  мой  услышати.
Избави  мя,  Господи,  от  устен  неправедных
И  от  языка  льстива  человек  лукавых.
Что  ти,  языче  льстивый,  за  лесть  приложится;
Изощренными  стрелы  месть  ти  сотворится.
От  сильного:  и  угльми,  иже  сожигают
Всяческая  и  пусты  грады  содевают.
Увы  мне,  яко  странство  мое  продолжится,
Со  селы  Кидарскими  житии  ми  случится:
Идеже  душа  моя  много  странствоваше,
Отнюду  же  печаль  ми  превелика  бяше.
Со  ненавидящими  еже  мирно  житии,
Аз  в  терпении  мнозе  тщахся  мирен  бытии.
Егда  им  во  кротости  дерзах  глаголати,
Туне  устремляхуся  мене  озлобляти.